باش تفهميني لازم تفهمي عقلك
انا صح معاك ذليت روحي شويا ..
بصح انا صح نية منيش مخلف ولا ناكل من وذنيا
بصح كي نقباح عليتي بليس و ما يقدرلهاش
منيش نهدد فيك ولا فيك نخوف
لازم تعرفي فوق الذل المرا ما نركعلهاش ..
انا صح تاع شدة و راجل نوقف معاك و تلقايني ديما القدام
انا صح حبيتك فوق ما عقلك يتحمل
تمنيتك مرتي و قلت إلى رب سهل
ماشي اليوم يا طفلة حبيتك من الأول
و انت عذبتني على طول الدوام
انا من صغري فالحب ما نعرفش نبكي و نحلل
مي لي بكاتني دقيقة قادر نبكيها عام
ولي عرفتهم قبلك كاع هاذا الشيء حقيقة ما نكروهاش..
انا نويت باش ندير بيك الدار و انت تسيري بعقلية تاع باغية تلبسيلي عجار
انا ما نتزوجش بالمرا لي جيبلي عار يا عمري سقمي روحك
اعرفي برك بلي لسان عدويا هدار ..انا نخاف من هدرت الشمايت لي ما لحقونيش
انا عدياني صغار و دايما و يبقو صغار
والله ينعل لي في وجهي ما يقابلنيش
اسمعي يا عمري كلمت نبغيك حتى لي ما يبغيكش ويقولهالك
وين راه لي يقول للمرا نكرهك خبريني
انت بيك الفاني..خممي مليح الدنيا هاذي هجالة ما فيها امان اذا بيك على المال ماش رجال
الدنيا عند المارقين بزقة متسواهاش ...
الوقت اليوم راهو يمد غير لشمايت
والراجل يشوف بالعين ما يقدرش حتى يتكلم
الراجل في وقتنا نحقر و دموعك سالت
الخداع زاهي و مول النية فالفراغ يحلم
وشحال من الرجال فالحب نحقرت
وشحال من حمامة في قلوب الرجال كبرت و بعد لي ربات الجنحان هجرت
صاحبت غراب و جابلها رب شي وين وصلت
انا والله قلبي ينظر كي نشوف الوردة ذبالت
نبكي كي نشوف الوردة في يد البهايم
انا ضد الظلم و الحقرة وين ما كانت
لازم عليك يا عمري تفهمينـي
و كلامي يفهمو غير العبد لي يكون فاهم
ياك لي عشق مزادش فالقرآن أية
و الغرام هذا لازم يزيدوه مادة فالقراية
ولي ما فهمناش مع ليام يعود يفهم
وحدو يعود يقول الهادي خلى معنى قوية
انا ما نعرفش التنفيق ولي في قلبي نقولو
انا صح نية مي بصح منيش مخلف
جابلك ربي جيتك من زحل و لا برهوش ناكل
من وذنيا
انا منيش في فكري ساهل
و انت قريتي زوج حروف جابلك ربي وين وصلتي
وين يبان سمك يا العقرب مع سم الثعبان
انت كنت حاسبتني بهلول و غافل و هذا وين فتحت عينيا
انا قطعت وادك كي كان حامل
ما يخلعونيش لي كيفك انتيا
عبالي واش كاين في عقلك من داخل
مي داير روحي بهلول مولا نية
و انت حسبتني صح جاهل
سي بورصا بغيتي ديري رايك فيا ..
و خايفتني اذا نغدرك و ندير غيرك
انا ما نعرفش نكذب ولي في قلبي نقولهالك
مي النسا ما فيهمش الخير
المرا ما تحبش تحبها و تبكيلها
المرا كي تبكيلها بدموع الحب تضحك عليك
و مكانش لي تبيعك بالرخيس كي تغلي شانك
انا نوصيك بلا وبلاك المرا تشوف الدموع في عينيك و ما تبكيش على لي ما تسواش قدرك
ولا بغيت تبكي ابكي على لي تبغيك
وماشي عيب اذا بكيت عل لي بكات على جالك
المرا غير يبداو يطوالو جنحيها تنكر خير هاذي كاع ما تغالبنيش
المرا ما تحبش لي يدير خير فيها المرا تحب لي يدير فيها الشر
و انا درت الخير و الخير فالنسا ما خرجنيش
المرا كي دير فيها الخير و تضحي على جالها تضحك عليك
و هاذي فيها كاع ما تغالبونيش
لي طلق اللجام لازم عودوا يهربلو
ياك الغربال محال باش يقدر الشمس يغطيها
و غير الغلطان لي نوى اللفعة يربيها
و انا نقول كلامي كما جات جات و حتى واحد بيه علباليش
ياخي نسا رب لقاني بيهم غير لي تدعالك بالحب و الخدع في عينيهم
تدعالك بالمحبة و هي ما تعرفهاش
هاذو النسا غير بليس غاويهم
و لي تبعت بليس عمرها ما تهناش
المرا اذا طاحت في يد راجل ما يغبنهاش
الرجال يموتو فالمرا لي تبغيهم
و الرجل إلى تأكد تحبو ما يخليهاش
و المرا اللعابة عمرها ما تواتيهم
اللعابة من غير الذليل واحد ما يسترهاش
هو لي بكلمت نحبك تشريهم و هي تصيب روحها في كماش
ولي كابرة فالسيرة جيعانة تعشق فالزواج الراجل ما تعشقوش
و الحب إلى تربط بالزواج صبح خيانة
و النواية للأن مزال ما فاقوش
الحق هي ظلمتني علاش تكذب على القلب لي يبغيها
الخاينة ما تستهلش ندير نية فيها
حقاني و الناس راها تعرفني
لي هديتها قلبي و جرحتني
بكيت و كما بكاتني نبكيها
انت عمري كي سقسيت عليك قصتك خلعتني كلمت الزواج غير من راسك أقلعيها
